Litt informasjon

16.112019

Då har eg gjennomført utdanning og eksamen i Yogaterapi mot stress, angst, depresjon og traumer. 🙂 Det er mange som kan trenge ei slik tilnærming, og det vil bli både grupper og ved behov individuell behandling. Det blir på nyåret 2020. 

Er i gang med utdanning i Deva Yoga, som er en skånsom, enkel, dyptgående og terapeutisk yogaform. Deva Yoga er utviket spesielt for å bruke yoga og meditasjon som verktøy for bedring og lindring av muskel-/skjelettplager og kroniske smerter i muskel/skjelettsystemet, herunder spenninger og stivhet i muskler og ledd. 🙂Utdanninga er fullført i løpet av desember 2015. 🙂

Den 20. -21. september var eg på trinn 3 kurs i Manuellmedisinsk Smertebehandling, denne gongen for lumbale tilstander og underekstremiteter.
Vi jobba med dry needling på triggerpunkt, og ulike manuelle teknikkar for smertelindring.  Instruktørar var MT Petter Bogsti og MT Øyvind Segtnan, og undervisninga var på Ullernklinikken i Oslo.  Eit nyttig og lærerikt kurs. 🙃 

10.-11 mai 2013 var eg på eit nyoppretta kurs i Manuellmedisinsk smertebehandling, MMS trinn 1, i regi av Norsk Manuellterapeutforening.
  
Dette var på Ullernklinikken i Oslo, og kurshaldarar var Petter Bogsti og Øyvind Segtnan.
Vi gjekk gjennom og fekk øve litt på DN ("dry needling")nålebehandling av triggerpunkter innen vestlig medisin. Også m.a.innføring i Harmoniteknikker, recoilteknikker og manipulasjoner.

Kjekt å ha endå meir verktøy i fysiokofferten. Ser fram til neste kurs.
 

Så er eg blitt Sertifisert Neurac Behandler, og info er lagt ut på www.redcord.no. Sjå på Redcord Medical.😉

Bruker slyngetrening/Neurac behandling på mine pasientar dagleg, og det har veldig god effekt for mange. Har også Stimula, som er eit vibrasjonsapparat som kan tilkoblast slyngene - og bruken av det vil i mange tilfeller auke behandlingseffekten Ytterlegare.🤩  

Frå 25.-27-januar 2013 var det årsmøteseminar i Privatpraktiserende Fysioterapeuters Gruppe avd. NFF. Dette var på Sundvolden hotell, som er kjent for å vere den staden dei overlevande etter Utøya-terroren fekk kome til, for å få mat og pleie.
Det var eit seminar som inneheldt både fagpolitiske emner, men også ulike faglege foredrag. Eitt av høgdepunkta var dr. Jørgen Skavlan, som heldt eit underholdande og tankevekkande foredrag om helse og misnøyekulturen i Norge.
Svært givande var det også å få eit innblikk, og gode tips, frå Framsenteret - som driv med LSVT BIG. Det er ein ny treningsmetode som er til god hjelp for Parkinsonpasientar, og det var veldig interessant og lærerikt. 
Spennande var det også å høyre på professor i nevrologi dr.med og musiker Geir Olve Skeie. Han snakka om "Den musiske hjerne", og bruk av musikk ved nevrologiske lidelsar. 
Kjekt å møte mange kollegaer og utveksle erfaringar med.    🤩  

Den 12. og 13. desember 2012 var eg på nytt på Redcord Clinic i Oslo, for å delta på siste del av Neurac-utdanninga, Neurac 3. Kurshaldar var Øyvind Pedersen. Denne delen inneheldt mykje om klinisk kommunikasjon og klinisk resonnering, og munna ut i ein praktisk og teoretisk eksamen - ein nervepirrande prosess - men eksamen er heldigvis bestått. 😋  

Torsdag 8.november 2012 var det kveldskurs i Myrvåg, arrangert av Myrvåg Fysioterapi. Temaet var "Hvordan ta vare på deg selv og pasienten".
Kursleiar var manuellterapeut Gustav Bjørke som jobbar hos Hans og Olav Fysioterapi i Oslo.
Kurset var svært nyttig og inspirerande, og høgaktuelt. Det vart mange tankevekkarar og gode tips, og vi erfarte at vi som terapeutar slit med dei same utfordringane i behandlarrolla, på godt og vondt.
Det var overraskande godt oppmøte på ein torsdagskveld, ca 40 stk. Vi frå Valldal hadde nok den lengste reisevegen, men det er alltid kjekt å møte kollegaene frå Sunnmøre - og gjengen ved Myrvåg Fysioterapi er dyktige til å arrangere interessante kurs!🙂  

Torsdag 1. november 2012 var det Record Stimulakurs i Oslo. Kurshaldar var Alf Magne Foss. Stimula er eit vibrasjonsapparat utvikla av Redcord. Redcord Stimula kan tilkoblast slyngene under trening - og vibrasjon blir tilført selekterte kroppsområder. Doseringa blir justert gjennom justering av frekvens, energinivå, vibrasjonsmønster og behandlingstid. Hensikta er å gjere Neurac behandling meir effektiv, og kan nyttast ved;

-Dysfunksjon relatert til nevromuskulær kontroll
-Smertetilstandar i muskelskjelettapparatet
-Funksjonsfortyrringar i nakke, rygg, bekken og skulder.

Bruk av Redcord Stimula kan ha spontaneffekt på funksjon og smertetilstander.

Fredag 19. og laurdag 20. oktober 2012 var det kurs på Muritunet med Kinesiology teiping i regi av KK Tape. Kurshaldar var Camilla Hansen. 
Vi hadde både teori og  praksis, og vi fekk øve mykje på mange ulike teipeteknikkar. M.a. teknikkar for smertelindring, støtte, korrigering, fasilitering, lymfedrenasje, tonisering/detonisering av muskulatur m.m.  Interessant og nyttig kurs, og teiping kan vere eit godt supplement til anna behandling og trening, når det blir utført riktig. 😉 

Torsdag 24.mai var det igjen kurs på Redcord Clinic i Oslo, denne gongen var temaet underekstremitet, med fokus på hofte, kne og ankel. Gitle Kirkesola var kursledar, og mykje nytt og interessant kom fram - spennande saker som endå ikkje er blitt publisert... Ny inspirasjon er påfylt, og det er i tillegg kjekt å møte kollegaer frå heile landet som også jobbar med Neurac. 🙃 

Torsdag 8. og fredag 9.mars 2012 var vi på Kvinnehelseseminar i Trondheim. Mange interessante emner var på agendaen, og fleire fysioterapeutar la fram doktorgradsarbeida sine. Britt Stuge var også til stades. Det var spennande forelesingar om m.a. epigenetikk, overvekt hos gravide, bekkenrelaterte smerter, stressinkontinens og mykje meir.   🙂 

Fredag 17. februar var det Neurac 2 kurs hos Redcord i Oslo.
Denne gongen djupdykk når det gjeld nakketrening i slynger. Det siste innan forskning og teori, diagnostisering og mykje praktisk øving i slyngene. Veldig nyttig og viktig, då ein stor del av behandlinga i Fysiohuset er Neurac trening. 😉

Fredag 3.februar var det Kurs 2 med manuellterapeut Geir Arne Aarseth. Det blei halde på Aure Fysikalske i Sykkylven. Denne gongen var det repetisjon og progresjon av ganganalyse,taping av skulder og lateral epicondalgia.Veldig matnyttig og kjekt sosialt, med ca 10 kollegaer hovudsakleg frå Sykkylvsområdet. 😀

Onsdag 25. januar 2012 var det igjen slyngekurs i Oslo på Redcord Clinic. Neurac 2 bekken/rygg, som er eit vidaregåande kurs i konseptet. Der går ein grundig inn på undersøkelse og behandling av bekken/ryggplager vha Neurac-metoden. Kurshaldar var Gitle Kirkesola, som er guruen på dette. Eit veldig bra kurs også denne gongen. Mange gode tips, siste nytt innan forskning, ny kunnskap og teknikkar å ta med seg vidare til den kliniske kvardagen. 🤩  

Fredag 2. desember 2011 var det kurs  i Sykkylven på Aure Fysikalske Institutt.
Temaet var ganganalyse, fotproblemer og teiping.
Kurshaldar var Geir Arne Aarseth som er fysioterapeut, spesialist i manuell terapi og lærar ved Karolinska Institut i Stockholm. Han har også jobba med såletilpassing i mange år.
Kurset var veldig interessant og lærerikt, og med mykje praktiske øvelsar for oss. Og så er det alltid kjekt å treffe kollegaer frå Sykkylven og omegn! 😋

Javel, så er examen i Kognitiv Terapi trinn 1 bestått! 😀🤪 Hipp hurra!

Var i Oslo på Redcord Clinic og gjennomførte Neurac 2 kurs med tema skulder og albue, 8.september 2011 med Gitle Kirkesola.  
Han er jo ein kapasitet innanfor faget, og det var veldig lærerikt og gav inspirasjon.
Neuracbehandling viser i veldig mange tilfeller utruleg god effekt på smerter og funksjon.  😉🤪

15. september var det idrettsmedisinsk kveldsseminar på Color Line Stadion. Vi var ca 50 fysioterapeutar og nokre legar, og tema var skadeførebygging og ernæring.

Aafk sin eine fysioterapeut Bjørn Erik Melland hadde eit bra innlegg om korleis dei jobbar med spelarane for å behandle og førebygge treningsskader, og korleis ein kan overføre tankegangen og metodane også til den vanlege mosjonist eller pasient.

Aafk sin ernæringsfysiolog Kathrin Kobbevik snakka om kosthald og trening både på toppidrettsnivå og for den vanlege mosjonist. Det er ikkje tilfeldig for prestasjonane kva ein puttar i seg av mat. Riktig sammensetting, og tidspunkt for inntak av mat og drikke er viktig.
 
Aakf sin lege Geir Råheim snakka litt om antidoping og bruk av astmamedisin. 

Til slutt samla fysioterapeutane seg for å diskutere vegen vidare, for å finne ein måte for å dra i gang det idrettsmedisinske fagmiljøet på Sunnmøre. Dette skal det arbeidast vidare med, og ei gruppe vart nedsett til det.

Fredag 16. april var eg og ca 60 andre fysioterapeutar/legar på bekkenkurs i Fosnavåg. Arrangør var fysioterapeutane og kommuneoverlegen i Herøy.
 
Forelesar var Britt Stuge, som er Phd, forskar,fysioterapeut, spesialist i obst/gyn fysioterapi og allmenn fysioterapi.
Ho har lang erfaring i behandling av kvinner med bekkenplager og har doktorgrad innan dette. Ho har vunne fleire forskningsprisar. 

Eg har vore på fleire kurs med henne før,og ho presenterte denne gongen dei nyaste forskningsresultata innan emnet bekkenplager og behandling av desse. Svært interessant og inspirerande. Og ikkje minste matnyttig, slik at ein kan gi desse kvinnene eit endå betre behandlingstilbod.

Onsdag 24. mars var vi 13 fysioterapeutar (og 2 babyar) i Fysiohuset for å lære littegrann meir om kinesiotape.
Kollegaene kom både frå Stranda, Stordal og Muritunet.

Demonstrasjonen av teknikkane var i regi av Alfacare ved Atle Aasterud. Ein energisk og flink kar.
Tanken var å halde på i eit par timar, men det blei til 5 timar, dels fordi vi var ivrige, dels fordi han var ivrig etter å lære oss ting.
 
Innleggssålar kunne han også å lage. Svært vellykka for oss som hadde behov og ønske om å få hjelp til det.
Ein inspirerande dag, og kjempekjekt å kunne treffast slik, det blir berre altfor sjelden.

Håpet er å få til eit kurs i kinesiotape her i området.
Ein kan lese litt meir om kinesiotape på www.alfacare.no. eller søke på nettet etter generell info.